Прашање: Отче Теофиле, како успевате секогаш да бидете радосен?
Одговор: Радоста едноставно извира од мене! Мил мој, мојата радост се темели и врз мојата вера. На пример, јас гледам на нештата мошне позитивно. (…) Не размислувам многу за Божјите казни, туку секогаш мислам на Божјата добрина и на Божјата љубов. Затоа, да знаете, не се плашам дека нема да стигнам во рајот. Не! Зошто не се плашам? Не затоа што правам некакви добри дела, со кои би го заслужил рајот. Не! Туку затоа што сум уверен дека Бог не сака никого да погуби.
Кратка молитва од старец Теофил
Секогаш да велиме:
„Господи Исусе Христе, Сине Божји, помилуј ме мене, грешниот — мене, кој не љубам; мене, кој не мислам на другите; мене, кој не го барам доброто на другите; мене, кој сум рамнодушен кон другите — помилуј ме мене, грешниот“.