Еднаш кај игуменот на Валаам дошле група млади луѓе, заинтересирани за исихазам, за Исусовата молитва, кои барале совети како да се молат постојано, и кои книги да ги читаат за да напредуваат во молитвата.
Но, расудливиот игумен забележал отсуство на сјај во нивните очи, некако, погледите им биле како заматени, целите биле опседнати од некое мрачно расположение и преголема сериозност.
На бирото ја здогледал детската книга „Вини Пу“, која штотуку некој издавач му ја поклонил, и им ја дал да ја читаат, и им рекол да дојдат откако ќе ја прочитаат.
По неколку дена истите млади дошле, но овој пат биле насмеани, радосни и со многу живост ја раскажувале книгата…