Митрополит Антониј Сурошки
„Еднаш го прашале свети Серафим Саровски кои се знаците дека човекот е вкоренет во Бога, дека прима нешто од Бога — или, пак, од силите на злото.
Тој рекол:
Ѓаволот е студен, тој е темен, тој е горделив, тој е човекомразец. Ако во твојата душа има студ, ако сè гледаш во мрак, ако се гордееш и се возвишуваш над другите луѓе, ако себеси се сметаш за праведник, а другите за грешници, тогаш твоите религиозни доживувања не се од Бога…
А Бог, продолжува Серафим Саровски, е оган; Бог е светлина; Бог е смирен. Кога срцето ти гори, кога умот ти е светол, кога чувствуваш дека си полош од сите — а сепак си љубен од Бога и прифатен од луѓето — тогаш можеш да помислиш: да, ова е од Бога…“
Превод од руски јазик: Свештеник Јани Мулев