Отец Пимен (Влад) Светогорец
Драги мои, има луѓе кои еден ден ќе одлучат да престанат со пиењето, да се ослободат од некоја лоша навика, да започнат чесно да работат или да се приближат кон Бога. И токму тогаш се појавуваат некои што им се потсмеваат: „Ајде, не се прави таков, те знаеме ние тебе! Нема долго да издржиш!“ Колку е тоа тажно… Наместо да му помогнеме на човекот што се обидува да се исправи, ние постојано го потсетуваме каков бил некогаш.
Да не постапуваме така. Не знаеме каква борба води некој за да се промени. Можеби она што нам ни изгледа како мал чекор, за него претставува огромна победа. А ако повторно падне, да не брзаме да кажеме дека сè е залудно. Да го охрабриме повторно да стане.
Христос не ја затвора вратата пред оној што искрено се кае. Тогаш, зошто ние би ја затворале? Да се радуваме кога некој човек се труди да стане подобар. На овој свет му се потребни токму такви победи.
Превод од англиски јазик: Свештеник Јани Мулев