Елефтериос Елефтеријадис, психолог
„Ако сакаш да се истрошиш себеси, менувај многу партнери во животот. Барај врски секој ден, врски за една вечер.
Следи ја сладоста на телото. Колку што можеш повеќе. Колку повеќе искуства, толку подобро.
Презасити се. Стигни до крајот. Пробај сѐ.
Дај го и телото и душата. Не задржувај ништо за себе. Не оставај ништо недопрено. Не оставај ништо девствено.
Сето тоа да го направиш. Да го направиш ако сакаш да се истрошиш себеси…“
Уништени луѓе насекаде околу нас. Млади луѓе, изморени од животот. Млади луѓе, се движат како живи мртовци.
Знаеш зошто?
Бидејќи се истрошиле себеси.
Нешто од наивност, нешто од невнимание.
Можеби виновни сме и ние… Ние возрасните.
Ние, кои не ги научивме никогаш, што значи тоа љубов.
Превод од грчки јазик: Свештеник Јани Мулев