Димитриј Панагопулос, свештенопроповедник (1916-1982)
Многумина прашуваат: Зошто Бог му дозволи на Ирод да заколе 14000 бебиња? И што лошо се случи?
Не беа ли додадени 14000 во Црквата?
И колку од нив, ако живееја, немаше да станат блудници, прељубници, богохулници, крадци и пијаници?
И колку од нив би се спасиле?
Сега кога сите се спасени и осветени, какво зло настана?
Ирод ги закла бебињата, а Бог го чекаше.
Не го зеде веднаш, бидејќи тогаш Ирод би рекол:
„Зошто ме зеде? Јас ќе се покаев…“
Но, Бог го остави, а Ирод не се покаја.
Како последица на тоа го изедоа црви… му се појавија црви на телото и жив го изедоа!
И толку отече целиот што ја срушија вратата за да го извадат од куќата и да го погребаат.
Ете таков беше крајот на Ирод.
Сите богоборци имаат лош крај… ужасен крај!
Наспроти нив, пак, верниците имаат мирен и спокоен крај. И многу пати си ја предвидуваат смртта…
Превод од грчки јазик: Свештеник Јани Мулев