Преподобен Пајсиј Светогорец
Секој човек има наследни склоности, добри и лоши. Треба да се бори за да се ослободи од неговите слабости и да ги обработи добрите кои ги има, за да стане вистински, благодатен образ Божји. Лошите наследни склоности не се пречка за духовниот напредок. Бидејќи, кога некој се подвизува, дури и да е малку, но со голема великодушност, тогаш се движи во духовниот простор, во чудото, и сите лоши наследни склоности ги исчистува Божјата благодат.
Бог многу ја милува и ѝ помага на душата која има лоши наследни склоности и великодушно се бори во небесното издигнување со атрофираното крило – лошото (генетско) наследство. Познавам многумина кои со мал труд и голема помош од Бога се ослободија од нив. Овие луѓе пред Бога се големи херои. Бидејќи она што го „трогнува“ Бога е трудот што го вложуваме за поправање на нашиот стар човек.
Превод од грчки јазик: Свештеник Јани Мулев