Архимандрит Павлос Пападопулос
Но колку и да се облече природата во боите на пролетта, ако нашето срце остане во нијанси на сиво, ќе останеме намуртени и бедни, полни со негодување и жалење.
Исфрли ги од умот лошите помисли, престани да ги анализираш работите, престани да ја заморуваш душата со завист и злоба.
Ослободи го своето памтење од омразата, остави срцето да сака, повторно да се вљуби во животот.
Дозволи светлината да процвета во тебе со смирение и едноставност.
Тогаш сѐ ќе добие боја во твојот живот.
Зашто тогаш ќе дојде и Неговата благодат, која ќе го обои сивилото на твојата тага, црнилото на твоето искушение, безбојноста на твоето секојдневие.
Сѐ ќе се облее во светлината Христова, која е светлина на Воскресението и на Животот.
Внеси Го Христос во својот живот, и тогаш ќе видиш како изгрева свеж воздух на надеж и оптимизам. Постави почеток на покајанието и вкуси го и ти, заедно со нашите светии, слаткиот нектар на прифаќањето од Бога.
Сѐ може да се промени ако почнеш да мислиш поинаку, да дејствуваш поинаку, да живееш поинаку.
Да мислиш, да дејствуваш, да живееш како христијанин, а не само како религиозен човек.
Превод од грчки јазик: Свештеник Јани Мулев